Alaga ni Heart, nagsalita sa dog discrimination

‘Presidente’ pala ng Aspin Society Elite ang ‘baby’ ni Heart Evangelista na si Panda.

Ito ay matapos ang sinasabing dog discrimination sa aspin na si Yoda – ‘di pinapasok sa isang restaurant sa Tagaytay.

Sa post ni Panda (may sariling Instagram siya ha) : “Anong walang breed ???! Mas may breeding pa ako sa Inyo ha.Loka mga to. Hello sa mga kasali sa Aspin Society Elite . #wagako #aspinsocietyelite #presidentpanda #notodiscrimination,”  na ginamit  sa Instagram story ni Heart.

Si Panda ang favorite doggie ni Heart na pinasuot niya ng Cartier necklace na nag-trending.

Nauna nang humingi ng paumanhin ang Balay Dako, isang restaurant sa Tagaytay City, matapos nga ang insidente kung saan pinagbawalan nitong pumasok ang isang customer na may alagang aspin (asong Pinoy).

Nag-viral sa social media ang post ni Lara Antonio (may-ari ng aspin) kung paano tumanggi ang nasabing resto na tanggapin ang kanyang aspin.

Sinabi ni Ms. Antonio na alam niyang pet-friendly na establishment iyon.

Pero sa huling punta niya raw “mga medium-sized na aso lang”  ang tinatanggap dun.

Tinanong din daw siya ng staff ng FOH (friend of the house) kung ano ang lahi ng Yoda hanggang hindi na sila pinapasok.

Malaking kontrobersya ito sa kasalukuyan.