Gerald, naghahanap ng mga atleta
![Gerald, naghahanap ng mga atleta](https://media.philstar.com/photos/2024/08/20/6_2024-08-20_21-18-37.jpg)
Kamakailan ay nailunsad na ang Got Games Philippines na pinangunahan ni Gerald Anderson. Umaasa ang aktor na marami ang matutulungang kababayan na mahilig sa sports sa pamamagitan ng naturang kumpanya. “I love basketball, I love sport, dami kong natututunan. Noong bata ako, I focused on sport. Na-apply ko rin ‘yan sa pag-aartista ko, professionalism, team work, work ethic, lahat ng iyan. If we can build something para sa mga kabataan, and even for open league brawls, collegiate, development players, why not? It is something I love. So ayun ‘yung vision ko,” pagbabahagi ni Gerald.
Ang aktor ang tumatayong Presidente ng Got Game Philippines na may layuning makalahok ang mga manlalaro sa 3x3 basketball tournament. “Sabi ko nga pangarap ko no’ng bata ako ay pumasok sa PBA pero pumasok ako sa PBB. Because of that I get to do all of these. I get to play the highest level. I get to play with the players. I get to travel the world to play basketball. So sobrang thankful ako,” dagdag ng binata.
Para kay Gerald ay talagang malaki ang naitutulong sa kanya ng paglalaro ng basketball. Nangangarap ang aktor na maraming mga kabataan ang matutulungan ng naturang sports company.
Nakatakdang mag-ikot sa iba’t ibang probinsya ng Got Games Philippines sa Oktubre upang maghanap ng aspiring athletes. “I love the sport kasi. It’s been my getaway. It’s been my vacation from everything. It’s been my stress reliever. Ito ‘yung therapist ko. I love the game so much na I want other people to enjoy the game na ‘yung mga bata na naglalaro lang sa kanto. Ang gusto ko 5, 10 years from now mayroon na silang platforms to show their skills. Kaya nag-close ‘yung deal sa akin because of the player development program, more than the league. That’s why I want this to be so successful to get to help others. Kapag naka-attach ‘yung pangalan ko I want it to be the best in the basketball league,” makahulugang paliwanag ng binata.
Jayda, malapit sa puso ang sad girl…
Nakatakdang ilunsad sa Aug. 30 ang album ni Jayda Avanzado na may titulong Sad Girl Hours. Ayon sa singer-actress ay talagang personal ang mensahe ng bawat kanta sa pinakabagong album katulad ng Loved for One. “Very close to my heart. It’s about the yearning we all have to be chosen, not for who we could be, but for who we are right now,” nakangiting pahayag ni Jayda.
Mahigit tatlong taon na ang nakalilipas nang sinimulang isulat ng dalaga ang Loved for Once. Pinaghandaang mabuti ng buong kampo ni Jayda kaya natagalan bago ilunsad ang naturang kanta sa publiko. “I connect with this song differently now than when I first wrote it. Vocally, I’ve pushed myself to bring out the nuances and emotions that come from my experiences over the past few years. It’s a reflection of where I am now, both as a person and as an artist. I’ve always been drawn to introspective songwriting. This song in particular, is less about telling a specific story and more about expressing an internal dialogue. A message to the universe about wanting to be loved right,” paglalahad ng singer-actress. — Reports from JCC
- Latest