GMA, sinagot ang mga sinabi ni Gerald
Nagsampa na ng kasong Rape through Sexual Assault si Sandro Muhlach, dahil sa nangyaring panghahalay diumano sa kanya ng dalawang independent contractors ng GMA 7 na sina Jojo Nones at Richard Cruz.
Nangyari diumano ito pagkatapos ng GMA Gala noong July 21. Kaya halos isang buwan lang ay nagsampa na ng kaso si Sandro kasama ang kanyang amang si Niño Muhlach.
Iba ito sa kaso ni Gerald Santos sa Senado, magsasampa siya ng kaso pagkalipas ng 19 na taon.
Ngayon lamang ibinunyag ni Gerald na hindi lang sexual assault o harassment ang naranasan niya sa isang musical director na dating nagtatrabaho sa GMA, kundi na-rape raw siya.
Umiiyak si Gerald na sinasabi niya sa Senado, sa harap nina Sens. Robin Padilla at Jinggoy Estrada na hanggang ngayon ay dala pa rin niya itong mabigat na karanasan niya sa musical director na ‘yun.
Ang sabi ng taga-DOJ, 20 years ang prescriptive period ng ganung grave offense. Pero titingnan pa raw nila kung gaano katagal itong sa kaso ni Gerald dahil minor pa siya nung ginawa ang diumano’y panghahalay sa kanya.
Kaugnay sa reklamong ito naglabas ng statement ang GMA 7 na kinokondena nila ang harassment, kaya inaksyunan daw nila ang reklamong ito ni Gerald.
Ang kabuuan ng statement ng Kapuso network, “Hindi kinukunsinti ng GMA ang anumang uri ng pang-aabuso sa mga artista, personalidad, empleyado, independent contractors, at iba pang stakeholders nito.
“Alinsunod dito ang naging aksyon ng network matapos nitong matanggap ang formal complaint ni Gerald Santos noong 2010.
“Agad nagsagawa ng imbestigasyon at matapos nito ay agaran ding ipinatupad ng network ang nararapat na parusa sa inakusahan.
“Tinerminate ng GMA ang kontrata ng inakusahan, at hindi na rin siya muling kinuha o binigyan ng trabaho pagkatapos nito.”
Sa kaso naman ni Sandro Muhlach, naka-detain pa rin ngayon ang isang independent contractor na si Jojo Nones, pagkatapos siyang ipina-contempt ni Sen. Jinggoy Estrada.
Nagagalit si Sen. Jinggoy, dahil sa nagsisinungaling daw si Jojo sa mga sagot nito.
Pero ang sabi ni Atty. Maggie Abraham-Garduque paninindigan ng kanyang kliyente ang mga pahayag nito.
Bukod sa sinasabing nag-alok sila ng financial donation para sa isang charitable institution na pipiliin ni Niño Muhlach, may isyu pa ng drugs na inalok diumano si Sandro, at first time pa raw ito ng aktor.
Ayon kay Atty. Maggie, “As regards the allegation that Jojo was lying, because he does not want to admit about the alleged drugs and sexual abuse, not only are these matters incriminating to him therefore his right against self-incrimination must be respected but also because these are issues which the DOJ will investigate and decide.
“Jojo cannot admit these matters because according to him these are not true and kapag in-admit niya ‘yun as the committee wants him to do, mawawalan ng saysay ang preliminary investigation sa DOJ.
“Under the rules, the issue of whether or not they are liable for alleged sexual abuse through the use of illegal substance/drugs is the burden of Sandro to prove before the DOJ. It is the DOJ which should resolve whether or not there is reasonable certainty of conviction to indict our clients for sexual abuse and to file the case in court.
“At this juncture we firmly believe that we cannot say that they are already lying just because they denied that they are liable for sexual abuse or there is drug involved.”
Ang latest, nag-file na raw si Atty. Maggie Garduque ng urgent to lift order of contempt and release of resource person under detention, para makalabas na si Jojo Nones sa Senate detention.
- Latest
