Shaina, laging naalala si Meryl Streep

Kamakailan ay dumalo si Shaina Magdayao sa Cannes Film Festival na ginanap sa France.

Namangha umano ang dalaga sa kanyang idolong si Meryl Streep nang masaksihan ang ‘Rendevouz with Meryl Streep.’ “Nakaka-starstruck, siyempre she’s my hero bilang isa akong artista and she’s the greatest, di ba? Parang fan girl ako not just sa works niya but also sa kanya bilang tao. Because she did like an hour talk, very selected lang ‘yung mga taong pwedeng pumasok do’n. Luckily, my producer, Bianca, was able to get me a seat,” kwento ni Shaina sa ABS-CBN News.

Lalong humanga ang dalaga kay Meryl dahil sa pagbabahagi ng mga personal na karanasan ng Hollywood actress. “She kept on talking about her personal life. You would think she’s going to keep on talking about, ‘I did this, I did that,’ ‘yung mga achievements niya. Kunyari itatanong niya about a certain film, ibababa niya do’n sa ‘Oh, I didn’t really think of that ‘coz I just really wanted to work.’ ‘Yung hindi stardom, hindi fame ang habol niya. And when she was asked about the new generation na nagpo-produce na ng sarili niyang content, ng sarili nilang films sa Hollywood, she said, ‘I am really proud of the younger generation now but as for me, my only production house is my family. I was able to produce five kids and now I have grandchildren.’ Parang ibababa niya sa pagiging human. Siyempre bilang fan tuloy rin ako. Kasi now, I know na ‘yung taong nirerespeto ko and ina-idolize ko is not just some actress. She is also a beautiful human being. I didn’t expect na magiging gano’n ‘yung magiging takbo ng conversation because I thought it was really going to be about professional life but she was really being very honest about not wanting to be a star,” pagdedetalye ng aktres.

Isang malaking karangalan para kay Shaina na makadalo sa iba’t ibang mga international film festival. Para sa aktres ay taas-noo siyang kumatawan para sa mga kapwa-Filipino. “Gustong kong tumayo not for myself this time around but for the country to be able to represent the Filipino artistry. Kasi kung galing at galing, kung talento lang naman at dedikasyon, meron ‘yung Filipino eh, ang laki ng laban natin. It’s just that hindi tayo nabibigyan pa ng masyadong exposure. Di tayo nabibigyan ng opportunity. In a way sadly, hindi tayo masyadong nabibigyan ng suporta but hopefully things change,” makahulugang pahayag ng dalaga.

Alyssa, naka-focus sa pagiging singer

Napapanood na ngayon ang music video ni Alyssa Muhlach para sa kantang Paalam. Tampok sa naturang music video ang magkasintahang sina Jake Cuenca at Chie Filomeno. “It’s based on a friend of mine who had a toxic boyfriend.  I want to release more songs within this year, and more songs in the future. I’m very open to that. I always talk to my Tarsier Records family about releasing more music because that’s what I’m passionate about,” nakangiting pahayag ni Alyssa.

Anak ng aktres na si Almira Muhlach at basketbolistang si Bong Alvarez ang beauty queen-actress. Bata pa lamang ay talagang hilig na raw ni Alyssa ang pagkanta. “Since I was around 5, 6, 7 years old, I loved to sing not because my mom pushed me, but because I genuinely loved it,” kwento ng dalaga. — Reports from JCC