Kabilang si Enchong Dee sa mga recording artist ng Star Music kasabay nina Yeng Constantino, Morisette Amon at marami pang iba na tumanggap ng YouTube Gold Play Button na ibinibigay ng YouTube sa mga nakakakuha ng isang milyong subscriber. Vindicated na ang Kapamilya actor sa paglalabas ng album na bagaman at pinagtaasan ng kilay ng marami nu’ng una ay naglagay sa kanya sa posisyon bilang 17th awardee, hindi na masama para sa isang recording company na mayroong napakaraming recording artist sa kanilang roster. At huwag mong maliitin ang mas naunang makilala bilang isang mahusay na manlalangoy dahil kasama siya nina Bea Alonzo at Ian Veneracion na magpapasaya sa mga manonood ng TV gabi-gabi sa seryeng A Love To Last. At dahil bongga ang lumalabas na music video niya para sa una niyang album na kasama si Maja Salvador, si Liza Soberano naman ang pumayag na makapareha niya sa second video album niya.
Mocha nang-iisnab na ng raket!
‘Di tatanggap ng suweldo si Mocha Uson sa pag-upo niya bilang miyembro ng Movie and Television Review and Classification Board (MTRCB). Kasama niyang nanumpa sa Malacañang ang napakaraming appointees ni President Digong Duterte.
Ang dapat na susuwelduhin niya ay ibibigay niya sa DSWD para sa pangangalaga ng mga batang kinukupkop ng ahensya.
Tanong ng marami ay saan siya kukuha ng kanyang ikakabuhay? Labis ba siyang napakayaman na para magtrabaho ng libre sa gobyerno gayong hindi na niya mababalikan ang pagiging sexy singer niya?
Kathryn takot mabuntis
Hindi nagpatalbog si Kathryn Bernardo kay Nadine Lustre. Nag-one-piece swimsuit ito sa tatlong araw na bakasyon nila ni Daniel Padilla sa Boracay na binibigyan ng malisya ng marami dahil hindi nakasama sa biyahe ang ina ni DJ na si Karla Estrada.
Pero kahit wala siya ay pinasamahan ni Queen Mother sa kanyang kapatid ang KathNiel bilang chaperone, plus kasama pa nila ang mga kapatid ni DJ. Simula nang hulaan si Kathryn na baka magbuntis sa taong ito ay naging concerned at protective na ang fans at followers ng KathNiel sa paglabas-labas ng dalawa at hindi naman nagkukulang si Karla ng pangaral sa dalawa.