Kahit willing magbayad ng P4-M, Heart takot tanggapin ang bag ng mayamang taga-Macau?!

Tama ba ang narinig ko na hindi mapagpasyahan ni Heart Evangelista-Escudero kung pi­pintahan niya ang mga ka­ragdagang Hermes bag na kinomisyon siya para gawin? Handang magbayad ng P4-M ng may-ari ng bag na taga-Macau para lamang niya pintahan ang bag nito.

Hindi naman dahil sa nag-iinarte ang asawa ni Sen. Chiz Escudero. Talaga lamang may kakambal na panganib kung tatanggapin niya ang alok na pintahan ang bag.

Lahat ng bag na pinintahan niya at isinama sa ginawa niyang exhibit sa Volks­wagen Showroom sa Taguig ay mahigpit na ginuwardiyahan. Puro Hermes ang on display. Walang ibang brand ng bag ang tinanggap ng talentadong aktres sa exhibit.  

With Hermes, nakasisiguro siya ng mataas na value sa kanyang mga trabaho.

Kris mahihirapan makasingit dahil kay AiAi

Madali man ang naging proseso ng ginawang pag­lipat ni Kris Aquino from ABS-CBN to GMA, ma­kikita namang hindi magiging madali para sa kanya ang panahong ilalagi niya sa Kapuso Network. Hindi marahil napagbuhusan ng isip ni Kris ang problema na kakaharapin niya sa bago niyang bahay na siya ring pinaglalagian ng TAPE, Inc., ang kumpanya ng mga Tuviera na pinayagan ng da­ting presidential sister na pamahalaan ang kanyang karera.

Sa pagdiriwang na lamang ng first anniversary ng Sunday PinaSaya ay hindi siya umapir dahil naroon si AiAi delas Alas. Mas nauna ang komed­yana sa programa ng TAPE na sa GMA umeere.

Sayang, dahil magandang pandagdag sana si Kris sa programa kung nakita siya. Pero naroon ang “kaaway” niya na hindi man siya tulu­yang binubuweltahan ay nagpapamalas ng kanyang saloobin tungkol sa inaabangang pagkikita at pagsasama nilang dating mag-friendship.

Pamilya ni Benjamin updated sa ‘relasyon’ nila ni Julie Anne

Mukha naman nakakita ng bago at masa­yang lovelife si Julie Anne San Jose kay Benjamin Al­ves. Hindi na itinatanggi ng singer ang panliligaw sa kanya ng Kapuso actor. Exclusively dating na ang dalawa at boto naman ang mga pamilya nila sa re­las­yon nila lalo na ang pamilya ng aktor na kahit nasa abroad ay alam ang nangyayari sa dalawa.

Mamamalas naman kung may che­mistry ang dalawa dahil pagsasamahin sila sa isang serye. Marami ang umaasam ng isang magandang relas­yon para sa dalawa na parehong hindi naging masaya sa kanilang past relationships.

Cacai in love pa rin kay Ahron

Poor Cacai Bautista, lahat ng nali-link sa kanyang artistang lalaki ay itinatanggi siya. Napag-uusapan na naman lately ang komedyana hindi dahil may proyekto siya kundi dahil naging bisita na naman ng bansa ang sikat na Thai actor na si Mario Maurer. Balitang nagkaroon sila ng maromansang episode ng sikat na banyaga na gumawa ng movie dito kasama si Erich Gonzales. Nakapagtataka lamang na hindi ang mga tagasubaybay niyang mga kababayang Pinoy ang naapektuhan ng kanilang re­lasyon kundi ang mga nagmamaneho ng karera ng Thai actor. May pinalalabas ngang babae na isinasabit sa aktor ngayon na sa totoo lamang ay nakakapagbigay din ng malaking punto ng publisidad.

Okay nang itinatanggi si Cacai ng mga nasasabit sa pangalan niyang artistang lalaki, pero para itanggi nila siya ay kabawasan na ng malaki sa kanilang kamachohan at pagiging maginoo.

Sinasabi ng komedyana na meron naman siyang manliligaw na wala sa showbiz. “I don’t use people. I try to live decently,” ang sabi niya sa kanyang mga interview. At kahit dehado siya sa relasyon nila ni Ahron Villena, kung makakaya niya ay patuloy niya itong ipagtatanggol. Kung hindi ito love. Ano ang tawag niyo rito?