CAVITE, Philippines — Dalawang hindi pa nakikilalang lalaki ang pinagbabaril hanggang sa mapatay ng hindi rin nakilalang mga suspek sa loob ng isang kubo, kamakalawa sa Agoncillo, Batangas.
Inaalam pa ng pulisya ang pagkakakilanlan ng dalawang biktima na mga nakasuot ng orange tshirt, brown short pants at pulang tsinelas habang ang isa pa ay nakasuot ng green t-shirt, itim na pants at puting sapatos.
Batay sa ulat, alas-4:20 ng hapon nang matagpuang kapwa nakahandusay sa tapat ng isang kubo sa Brgy. Banyaga, Agoncillo, Batangas ang dalawang biktima.
Duguan ang mga ulo at katawan ng dalawang biktima dahil sa mga tama ng bala. Narekober sa lugar ang isang fired cartridge case ng .45 caliber at isang cellphone.
May narekober din ang pulisya na isang abandoned na Freedom White Toyota Hilux HSPU na may plate No. NDQ1809 at nakarehistro ito sa pangalan ng isang Sherwin Reyes Ramos na may postal address na 33 Purok Maginhawa, Bagong Sikat, Muñoz, Nueva Ecija.