9K Bicolano nabenepisyuhan sa WGP ng DSWD
MANILA, Philippines — Nakinabang ang may 9,116 pamilya mula sa Bicol Region sa Walang Gutom Program (WGP) ng Department of Social Welfare and Development (DSWD).
Ayon kay DSWD Field Office 5-Bicol Region WGP Coordinator Sherryl Lofamia, ang mga benepisyaryo na nagmula sa mga lalawigan ng Sorsogon at Camarines Sur ay nakatanggap ng electronic benefit transfer (EBT) cards mula August hanggang September ngayong taon.
“Each household-beneficiary was able to utilize P3,000 worth of food credits. With these, they were able to put healthy meals on the table,” ani Lofamia.
Aniya, ang P3,000 food credits na laman ng EBT cards para sa mga household-beneficiaries ay maaaring gamitin pambili ng mga high-nutrition food items mula sa mga partner beneficiaries ng DSWD. Ang mga recipients nito ay kinakailangang bumili ng 50 percent ng kanilang credit load para sa carbohydrates, 30 percent para sa protein, at 20 percent naman para sa fiber-rich foods.
“They will receive a monthly credit of P3,000 for 3 years until 2027,” dagdag ni Lofamia.
Ang WGP ay isa sa flagship program ng pamahalaan para sa anti hunger and poverty reduction na naglalayong wakasan ang kagutuman sa bansa batay sa sinasaad ng Executive Order No. 44 na hangad na mapakain ang may isang milyong food poor families pagdating ng 2027.
- Latest
