COTABATO CITY, Philippines — Isang lalaking wanted sa panggagahasa ng mga kababaihang menor-de-edad ang natunton sa isang liblib na lugar sa Barangay Titulok sa Bagumbayan, Sultan Kudarat nitong hapon ng Martes at inaresto ng mga pulis.
Kinilala ni Brig. Gen. James Gulmatico, director ng Police Regional Office-12, ang naarestong suspek na si Patrocinio Semeniego, Jr. na nakakulong na ngayon.
Si Semeniego ay residente ng Purok Upper Supon sa Barangay San Jose, Koronadal City at nagtago sa bayan ng Bagumbayan nang malamang naglabas na ng mga warrant of arrest para ang Branch 12 Family Court sa naturang lungsod nitong July 17, 2024, kaugnay ng mga kasong statutory rape na isinampa ng mga pamilya ng kanyang mga biktima.
Walang piyansang nirekomenda ang korte sa pansamantalang paglaya ni Semeniego.