Bahay ng lady trader, pinasok ng magnanakaw tangay ang P.5 milyon

MANILA, Philippines — Nakatangay ng nasa kalahating milyong piso ang mga magnanakaw na pumasok sa bahay ng isang ginang na nego­syante sa Brgy. Lumil, Silang Cavite, kamakalawa.

Sa ulat, alas-3:30 ng madaling araw nang pa­sukin ng mga hindi na­kilalang suspek ang bahay ng biktima sa Barcelona Drive, South Forbes Villas Subdivision.

Sa ikalawang pala­pag umano ng bahay dumaan ang suspek na nagtuloy sa study room ng biktima kung saan nakalagay ang mga alahas at pera nito na aabot sa P500,000.00 ang  natangay.

Narekober pa ng pulisya sa likurang bahagi ng bahay ng biktima ang jewelry boxes nito kung saan nakalagay ang mga alahas.