MANILA, Philippines — Arestado and dalawang tulak na kabilang sa talaan ng mga High Value Individuals (HVI) matapos makumpiskahan ng iligal na droga na nagkakahalaga ng P410,040.00 sa isinagawang buy-bust operation sa Brgy. Ibabang Iyam, Lucena City, kamakalawa ng hapon.
Ayon kay Quezon Police Provincial DIrector, PCol. Ledon D. Monte, kinilala ang dalawang suspek na sina alyas Adong, 38 taong gulang, residente ng Brgy. 8, at alyas Kevin, 20 taong gulang, residente ng Brgy. Ilayang Iyam na kapwa mayroong previous drug case records.
Isinagawa ng mga otoridad ang buy-bust operation, alas- 2:50 ng hapon at aabot sa 20.1 gramo ng hinihinalang shabu ang nakumpiska sa mga ito.
Nasa kustodiya ng Lucena PNP Custodial Facility ang mga suspek upang sumailalim sa dokumentasyon at proseso batay sa kanilang kasong paglabag sa Sections 5 and 11, Article 2 ng RA 9165 o Comprehensive Dangerous Act of 2002.