MANILA, Philippines — Naaresto ang tatlong babae nang maaktuhang nagnanakaw ng gluta lotion sa isang mall sa Rosario, Cavite, kamakalawa.
Nakakulong na ang mga suspek na nakilalang sina Ariana Mendoza, 60; Rosalina Escobilla, 50; at Arlene Derama, 38, pawang mga residente ng nasabing lugar.
Sa imbestigasyon ni Patrolman Ivan James Suliba may hawak ng kaso, alas-4:45 ng hapon nang maaktuhan ng duty Security guard ng department store ng mall na si Nelmar Balanquit, 27, ang mga suspek na kumuha ng 5 gluta lotion at ipinasok sa mga dalang bag kung saan nagkakahalaga ng P435.00 bawat isa.
Sinampahan na ng kaso ang mga suspek.