Sex den sinalakay: 2 timbog, 3 nasagip
BAYOMBONG, Nueva Vizcaya, Philippines — Isang boarding house na ginagawa umanong sex den ang sinalakay ng mga awtoridad sanhi ng pagkakasagip ng tatlong babae at pagkakaaresto ng tatlo katao kabilang ang isang babaeng negosyante sa Barangay Bonfal Proper ng bayang ito kamakalawa.
Kinilala ang mga suspek na sina Jualita Morales, 40, negosyante ng Brgy. Dita, Sta. Rosa, Laguna; Paul Butal Jr., 47, ng Brgy. Osmeña, Solano, Nueva Vizcaya at Ashley Santos, 20, ng Tangos South, Navotas City.
Ayon kay P/Maj. Jesus Ventura, hepe ng Bayombong Police, nakatanggap sila ng impormasyon kaugnay sa ginagawang pambubugaw umano ng mga suspek sa ilang kababaihan na dinadala sa isang boarding house na ginagawang sex den motel.
Dahil dito, agad na naglatag ng entrapment operation ang pinagsanib na puwersa ng Bayombong Police, Regional Group of Special Concern, Provincial Inteligence Unit, PNP 1st PMFC, Department of Justice at Municipal Social Welfare and Development Office (MSWDO), at nagpanggap na kostumer ang isang pulis na nagresulta sa pagkakaaresto ng mga suspek. Nasagip sa operasyon ang tatlong kababaihan na nagkakaedad, ng 18, 19 at 23.
- Latest
