CAMP OLIVAS, Pampanga, Philippines — Tinatayang aabot sa P700,400 halaga ng shabu ang nakumpiska ng mga otoridad sa isinagawang anti-illegal drug operation sa Barangay Ninoy Aquino, Angeles City, kamakalawa.
Kinilala ni P/Col. Jonas Amparo, Deputy Regional Director for Operations, ang mga naarestong suspek na sina Rommel Carlos at Elizabeth Cabredo.
Nasamsam sa mga suspek ang tatlong sachet ng shabu at nakataling plastic bag na naglalaman ng shabu na may timbang na 103.00 gramo na nagkakahalaga ng P700,400.