ANGELES CITY, Pampanga, Philippines — Isang lalaki na umano’y drug pusher ang naaresto sa isang buy-bust operation,kamakalawa sa Brgy. Lourdes Northwest ng lungsod na ito.
Sa ulat, kinilala ang suspek na si Jerome Aguilar, 30, residente sa P. Tuazon, Project 4, Brgy. Tagumpay, Quezon City na kung saan ay nasamsam ang nasa 1 kilong hinihinalang shabu na may street value na P6,800,000.
Ayon sa suspek, pinadala lamang umano ang nakumpiskang shabu na dalhin dito sa lungsod upang ideliber, ngunit minalas dahil ang nakatransaksiyon ay isang pulis na poseur buyer. Nahaharap na sa kasong paglabag sa RA 9165 ang nasabing suspek.