MANILA, Philippines — Isang mag-ina na umano’y drug dealer ang naaresto ng mga pulis sa isinagawang drug operation sa Barangay Cawag, Subic, Zambales, kahapon.
Sa ulat ni Col. Romano Cardino, Zambales police provincial director, kinilala ang mga naarestong mag-ina na sina Luzviminda Nipay, 67, at anak na si Rico, 33, kapwa residente ng nasabing barangay at nakatala sa Regional Level Drug Watch sa Zambales.
Ayon kay Cardino, nagsanib-puwersa ang operatiba ng Subic, Zambales Drug Enforcement Unit, Philippine Drug Enforcement Agency (PDEA3) sa pagsasagawa ng buy-bust operation laban sa mag-ina na ikinaaresto ng mga ito matapos ibigay ang sachet ng shabu sa pulis na poseur buyer.
Nasamsam sa mag-ina ang 37 sachets ng shabu na may street value na P203,320.00 at P1,000 na marked money.