SAN FERNANDO CITY, Pampanga — Arestado ang itinuturong lider ng isang criminal gang na sangkot sa iligal na droga,carnapping at robbery (akyat-bahay),matapopps masakote sa ikinasang drug buy-bust operation kamakalawa sa Brgy. Juliana sa lungsod na ito.
Sa ulat buhat sa tanggapan ni Police Regional Director P/Brig.General Valeriano De Leon,kinilala ang suspek na si Jericho Palacio, alyas “Kokok”, nasa hustong gulang, jobless, binata, residente sa Purok 2, Brgy. San Pedro Cutud ng nasabing lungsod. Nasamsam sa suspek ang humigit kumulang sa 2 gramo ng hinihinalang shabu na may street value P13,600.00, isang unit cal. 9mm na walang serial number na kargado ng limang bala at perang ginamit sa nasabing operasyon.
Nahaharap sa kasong paglabag sa Section 5 at 11 ng RA 9165 o Comprehensive Dangerous Drugs Act of 2002 at RA 10591 o Illegal Possession of Firearms and Ammunitions ang naarestong suspek.