Fish vendor pinabulagta ng tandem

IROSIN, Sorsogon, Philippines — Bulagta sa kalsada ang isang 41-anyos na magtitinda ng isda matapos pagbabarilin ng hindi nakilalang armadong dalawang suspek sa Brgy.Patag ng bayang ito kamakalawa ng gabi.

Napuruhan ng punglo sa ulo at katawan at agad nasawi ang biktimang si Anthony Candia De Villa, may-asawa at residente ng nasabing barangay.Tinutugis na ang hindi nakilalang mga suspek.

Sa ulat, dakong alas-6 ng gabi habang naglalako ng isda sa kanyang mga ka-barangay ang biktima nang biglang sumulpot sa kanyang harapan ang gunmen. Bago pa nakakilos ang biktima ay walang kaabog-abog na pinagbabaril na siya ng mga suspek.

Narekober ng mga rumespondeng pulis sa lugar ang mga basyo ng bala ng kalibre 45 at kalibre 9mm na baril.