2 bangkay ng lalaki itinapon sa kalsada
TIAONG,Quezon, Philippines — Dalawang hindi pa nakikilalang lalaki na biktima ng summary execution o salvaging ang natagpuan sa barangay road na sakop ng Sitio Aguirra, Barangay Cabay sa bayang ito, kamakalawa ng umaga.
Ang mga biktima ay kapwa may mga tama ng bala ng caliber 9MM sa iba’t ibang parte ng katawan nang matagpuan ng mga residente, alas-7:00 ng umaga.
Ayon kay PLt.Col.Dennis De leon, chief of police dito, walang nakitang ID o mapagkakakilanlan ang mga biktima.
Ang isa sa kanila ay katamtaman ang pangangatawan, nakasuot ng itim na T-shirt na may tatak na BLBG Hood Since day one at kulay pulang nike short, tinatayang umeedad ng 20-anyos at may taas na 5’2.
Malaki naman ang katawan ng ikalawang biktima, nakasuot ng kulay itim na t-shirt na tribal camouflage, nakashort na kulay gray at itim, may tattoo na “Only time can tell” sa kaliwang siko at dragon sa kanang siko at may taas na 5’5.
Bukod sa mga tama ng bala sa katawan ay kapwa binalutan ng masking tape ang mga ulo ng mga biktima at pareho ring pinuluputan ng kawad ang kanilang mga leeg.
- Latest
