ILOILO CITY - Nasugatan ang isang pulis matapos bumangga ang pick-up truck nang ito ay makaidlip habang nagmamaneho kamakalawa ng gabi sa highway na sakop ng Barangay Bangga-Dama ng lungsod.
Ang biktima na nagtamo ng galos sa katawan ay kinilalang si P/Captain Norberto, nakatalaga sa Regional Mobile Force Company, Tapaz, Capiz.
Sa ulat, minamaneho ng biktima ang kanyang puting Nissan Calibre pick-up at binabaybay ang lugar nang ito ay makaidlip at nawalan ng kontrol sa manibela dahilan para masagi ang signage ng isang gasolinahan at tuluy-tuloy na nasalpok ang ang sangay ng isang kilalang botika.
Nabatid na galing Iloilo City si Sipole at pauwi na ng bahay sa Balibagab-Oeste, Sta. Barbara nang maaksidente.
Masuwerteng walang tao na nabangga sa loob ng botika.