MANILA, Philippines – Bulagta ang isang sinasabing kilabot na ‘tulak’ ng droga habang limang kasamahan nito ang naaresto ng mga otoridad sa ikinasang buy-bust operation kamakalawa sa Purok Pag-Asa, Brgy. Rosary Heights 10, Cotabato City.
Ang napatay na suspek ay si Justin Kasuyo, habang himas-rehas na ngayon ang limang kasamahan nito na sina si Dode Diocolano, Sean Gamayao, Rahima Daurog, Lea Tatak at isang nakilala lamang sa pa-ngalang “Juvie”.
Sa ulat ng pulisya, dakong alas-4:00 ng hapon nang isagawa ang operasyon laban sa suspek sa Pansacala St., sa naturang lugar.
Sa kalagitnaan ng transaksyon ay nakatunog umano si Kasuyo at limang kasamahan nito na pulis ang kanilang ka-deal kung kaya’t agad na bumunot ng baril at pinaputukan ang pulis na agad namang nakaganti dahilan upang mapatay ang suspek at maaresto ang iba pa.