SAN JOSE DEL MONTE CITY, Bulacan , Philippines – Limang tulak ang ‘di na umabot sa pagsalubong ng 2020 matapos umanong manlaban at mapatay ng mga pulis kahapon ng madaling araw sa magkakasunod na buy-bust operation sa nasabing siyudad.
Sa ulat na ipinadala ni P/Lt. Col. Orlando Castil Jr., hepe ng San Jose del Monte police kay P/Col. Emma Libunao, Acting Bulacan Police Director, kinilala ang apat sa limang napatay na suspek na sina Ricardo Salazar; Ryan Gambao; Romy Fajardo; Arnel De Mata habang inaalam ang pagkakakila-nlan ng isa pang tulak.
Napatay si Salazar at ang kasama nito dakong alas-2:00 ng madaling araw sa isinagawang drug buy-bust ng pulisya sa Brgy. Sto. Cristo. Nabawi sa kanila ang isang cal .38 revolver, isang sumpak, isang glass pipe, 21 plastic sachet ng shabu at buy-bust money.
Sina Gambao at Fajardo naman ay napatay sa isinagawang buy-bust ops sa Brgy. Tungkong Mangga dakong ala-1:20 ng mada-ling at nabawi sa kanila ang isang cal .38 revolver at 13 plastic sachet ng shabu habang si De Mata ay napatay dakong ala-1:30 ng madaling sa Brgy. Gaya-gaya sa buy-bust operation. Narekober dito ang 17 plastic sachet ng shabu, sumpak at buy-bust money.