QUEZON , Philippines - Kulungan ang binagsakan ng 38-anyos na misis na sinasabing matinik na tulak ng droga matapos itong maaresto ng pulisya sa isinagawang buy-bust operation sa Purok 3B, Barangay Dalahican sa Lucena City, Quezon kahapon ng madaling araw.? Pormal na kinasuhan ni P/Supt. Art Brual Jr. chief of police sa Lucena City ang suspek na si Cynthia Rea ng nasabing lugar.? Nabatid na nakabili ng shabu ang poseur-buyer na pulis sa suspek at nang isagawa ang body search ay nakumpiskahan ito ng pink na wallet na naglalaman ng 12 plastic sachet ng shabu na tumitimbang ng 59.1 gramo at tinatayang may street value na P109, 335.00.? Nasamsam din sa pag-iingat ng suspek ang P6, 000 cash na hinihinalang mula sa drug trade, isang weighing scale, mga drug paraphernalia at P500 marked money na ginamit sa buy-bust.?