NUEVA VIZCAYA, Philippines – Tinatayang aabot sa P2 milyong halaga ng manok ang nilamon ng apoy makaraang masunog ang isang poultry farm sa bayan ng Iguig, Cagayan, kahapon ng umaga. Ayon sa ulat, dakong alas-6 ng umaga nang masunog ang poultry farm na pag-aari ni Roberto Lim ng Barangay Sta. Teresa sa bayan ng Iguig. Sa insiyal na imbestigasyon, umabot sa 500 manok na broiler kabilang ang mga itlog ang tinupok ng apoy na sinasabing nagmula sa likurang bahagi ng poultry na depektibong exhaust fan. Tatlong fire trak ang umapula sa sunog na umabot pa sa ikatlong alarma. Nilamon din ng apoy ang lahat na pasilidad ng poultry farm.