Retiradong pulis dinedo sa sabungan

NORTH COTABATO, Philippines – Bumulagta ang retiradong pulisya makaraang pagbabarilin ng tatlong hindi kilalang lalaki sa loob ng sabu­ngan sa Purok 5, Sitio Cogonal sa Brgy. Luz Village, bayan ng Mlang, North Cotabato kahapon ng hapon. Pitong bala ng cal. 45 pistol ang tumapos sa buhay ni Rogelio Gleyo, may asawa, dating nakadestino sa bayan ng Isulan at nakatira sa Brgy. La Suerte, bayan ng Mlang. Nabatid na nakipagbarilan pa ang biktima sa tatlong lalaki kung saan ang isa rito ay napatay habang ang dalawa naman ay mabilis na nakatakas. Sinisilip ng pulisya ang anggulong personal grudge ang isa sa motibo kaya naganap ang pamamaslang.