CAVITE, Philippines – Kusang nagpasalubong kay kamatayan ang 80-anyos na mister na sinasabing nangulila sa pagpanao ng kanyang misis matapos itong magbaril sa sarili sa kanilang bahay sa Barangay Pinagsanhan B sa bayan ng Maragondon, Cavite kahapon ng umaga. Huling namataang buhay ang biktimang si Antonio Row Sr. na nag-iisa sa kanilang bahay kung saan nakarinig ng malakas na putok ng baril ang manugang na babae ng matanda. Nang usisain ang pinagmulan ng putok ay bumungad ang duguang katawan ng biktima. Nabatid na nangulila ang biktima sa pagpanao ng kanyang misis kaya kalimitang nakikita ng ilang kapitbahay na malungkot na nakaupo sa balkonahe ng kanyang bahay. Narekober naman ang isang basyo ng bala ng cal. 38 revolver.