Bus hulog sa bangin: 48 sugatan
QUEZON, Philippines – Isang Bicol bound passenger bus ang nahulog sa bangin na may lalim na 30 talampakan na nagresulta sa pagkasugat ng 48 pasahero nito kamakalawa ng gabi sa Barangay Bagong Silang sa bayan ng Calauag, Quezon.
Kasalukuyang ginagamot sa St. Peter General Hospital at Magsaysay Memorial District Hospital ang mga sugatang sina Reggie Arma, Monterola Laurente, John Jorel Montes, Jekim Rosanto, Adrian Ybanes, Rosanto Montes, Cyril Montes, Cheryl Montes, Mark Erickson Aguila, Jolie Servantes, Norlan Paller, Rachelle Pulvera, Isabel Veranda, Rica Jane Arma, at iba pa habang nasa custody naman ng Calauag PNP ang driver na si Felicito Gison, 40, ng Pasay City.
Ayon sa ulat ng pulisya, patungo sa Placer, Masbate ang Mega Bus (AAI-1363) mula sa Maynila nang mawalan ng kontrol sa manibela ang driver dakong alas-11:30 ng gabi.
Sinasabing kumabig pakanan ang bus kaya nagtuluy-tuloy na nahulog sa bangin na nagresulta sa pagkasugat ng mga biktima.
- Latest
