QUEZON, Philippines - Maagang napariwara ang kinabukasan ng magkapatid na nene matapos na gawing sex slave ng sariling ama sa loob ng dalawang buwan sa kanilang bahay sa Barangay Poblacion sa bayan ng Sariaya, Quezon.
Makaraang pormal na sampahan ng reklamo sa PNP Women’s and Desk Section ay inaresto ng mga tauhan ni P/Supt. Harold Depositar ang 41-anyos na suspek na si Raymund. Samantala, nasa pangangalaga ngayon ng MSWD ang mga biktimang itinago sa mga pangalang Thea, 9; at Tricia, 6.
Sa ulat ng pulisya, unang isinagawa ang panghahalay kay Thea noong Oktubre 2015 kung saan naulit pa noong unang linggo ng Nobyembre sa loob ng kanilang bahay kung saan iniwan ng kanilang ina na nagtatrabaho sa Laguna.
Natuklasan naman ang panggagahasa kay Tricia noong Nobyembre 27 nang ipagtapat nito sa kanyang ina ang nangyari.
Hindi na nagdalawang isip ang ina kung saan ipinaaresto ang kanyang mister kahapon.