NORTH COTABATO, Philippines – Lima-katao ang napatay makaraang tambangan ng mga di-kilalang kalalakihan na sinasabing kalabang angkan sa Barangay Dulangan, bayan ng Datu Odin Sinsuat, Maguindanao kamakalawa.
Kinilala ang mga napatay na sina Lilang Ayunan, 50; Pink Rose Ayunan, 25; Shoam Ido, 4; Baby boy Pasawiran, 21; at si Kago Kasan, 40, mga nakatira sa Brgy. Kalanganan, Cotabato City, Maguindanao.
Naisugod naman sa Notre Dame Hospital ang mga sugatan na sina Norhana Ayunan, 19; at Manawir Ayunan, 27.
Ayon kay P/Senior Inspector Lyndsy Sinsuat, naganap ang pananambang bandang alas-4:45 ng hapon.
Lmilitaw na papauwi na sa Cotabato City ang mga biktimang lulan ng maroon na Toyota Innova (YA 3539) mula sa General Santos City nang ratratin ng grupo ng kalalakihang lulan ng hindi nabatid na sasakyan.
Narekober sa pinangyarihan ng insidente ang mga basyo ng bala ng M-16 rifle at cal .45 pistol.
Pinaniniwalaang rido ang isa sa motibo sa naganap na pananambang habang patuloy naman imbestigasyon.