MANILA, Philippines – Isang 4-anyos na batang lalaki ang nasawi matapos malunod sa swimming pool sa Brgy. Sibsib, Tulunan, North Cotabato noong Biyernes ng hapon.
Sa ulat ng Police Regional Office (PRO ) 12, kinilala ang biktima na si Charlie Jonelas, residente ng Brgy. Kanibong sa nasabing bayan.
Ayon sa pulisya, dakong alas-3 ng hapon nang lumutang sa swimming pool ang bangkay ng bata matapos mapagawi sa may 6 talampakang lalim ng tubig.
Isinama umano ng isang nagngangalang Rosalie Manalo ang bata sa Tree House Swimming Resort na hindi nito ipinagpaalam sa mga magulang ng bata.
Nakalingat si Manalo habang masayang naglilibot sa resort kung saan naglaro ang bata sa swimming pool hanggang mapadako sa malalim na bahagi na siya nitong ikinalunod. Iilan lamang ang mga bakasyunista sa resort kaya walang nakapansin sa bata habang naglalaro sa tubig.