Dalagita pinilahan sa harap ng bf

NORTH COTABATO, Philippines  – Maagang nawasak ang pagkababae ng 17-anyos na dalagita makaraang pilahan ng tatlong adik sa droga sa harap mismo ng kanyang nobyo sa Butuan City, Agusan del Norte, ayon sa ulat ng pulisya kahapon. Ayon kay Police Officer 3 Elsa Sumampong ng Butuan City PNP women’s desk, ang tatlong suspek ay sinasabing lulong sa bawal na droga kung saan tinangay pa ang mga personal na gamit ng nobyo ng biktima. Sa police report na nakarating kay P/Senior Supt. Romy Palgue, nasakote naman ang isa sa tatlong suspek na si Rey Eda, 28, ng Barangay Golden Ribbon kung saan pormal na kakasuhan. Napag-alaman na namamasyal ang magkasintahan sa Butuan Bay nang harangin ng mga suspek. Kinaladkad ang magsyota sa madilim na bahagi sabay na tinutukan ng baril kaya walang nagawa kundi ang sumunod.