TUGUEGARAO CITY, Philippines – Malubhang sugatan sa ulo ang isang 12-anyos na Grade 7 student matapos aksidenteng mabaril ng kaklase nito ng nilalarong M16 armalite airsoft gun na na-convert sa cal. 22 sa bahay ng huli sa Brgy. Madupayas, Badoc, Ilocos Norte kamakalawa. ?Sinabi ni Chief Insp. Dexter Corpuz, hepe ng PNP Badoc na narekober nila ang nakakamatay na gun replica sa tahanan ng suspect na itinago sa pangalang Eugene.? Isinugod naman at inoobserbahan sa Mariano Marcos Memorial Hospital and Medical Center sa Batac City si Andrew Cases, Grade 7 student sa Nagrebcan National High School. Hinihintay lamang ng pulisya ang pasya ng DSWD sa suspect habang sinisiyasat ang paglabag sa batas ng ama ni Pagaling sa pag-angkin ng nakamamatay na laruang baril.