Pintor inutas sa burger stand

NUEVA ECIJA, Philippines – Pinabulagta ang 41-anyos na pintor matapos itong pagbabarilin ng motorbike rider sa burger stand sa Barangay Bantug, Muñoz City, Nueva Ecija noong Sabado ng gabi. Naisugod naman sa Dr. Paulino J. Garcia Memorial Hospital sa Cabanatuan City subalit idineklarang patay ang biktimang si Michael Maclang ng Barangay Pandalla sa nasabing lungsod. Nasakote naman ang suspek na si Angelo Rivera, 40, may-asawa, ng Barangay Poblacion North sa nasabing lungsod. Sa imbestigasyon ng pulisya, lumitaw na umorder ng hamburger ang biktima sa Angels’ Burger Stand ng lapitan at ratratin ng suspek. Ayon sa pulisya, bago mamatay ang biktima ay nasambit nito ang pangalan ng suspek na isinasailalim na sa imbestigasyon.