P50-M ‘damo’ nasamsam

TUGUEGARAO CITY, Cagayan, Philippines – Umaabot sa P50 mil­yong halaga ng marijuana ang nasamsam ng mga operatiba ng pulis­ya sa isinagawang operasyon sa dalawang plantasyon sa kabundukan ng Mount Saleng at Mount Kinbetngaw sa Barangay Banga, bayan ng Sugpon, Ilocos Sur kamakalawa. Sa ulat na nakarating kay P/Insp. Jade Macaraeg, hepe ng Sugpon PNP, kabilang sa nasamsam ay ang 248,500 pirasong puno ng marijuana, sampung kilong binhi, at 100 kilong pinatuyong dahon na natagpuan sa plantasyon. Gayon pa man, walang naabutang cultivator ang pulisya matapos makatunog sa pagsalakay ng mga awtoridad. Samantala, arestado naman ang suspek na si Baltazar Bautista matapos makumpiskahan ng apat na puno ng marijuana sa Barangay Sta. Clara sa bayan ng Gonzaga, Cagayan.