2 patay sa landslide

MANILA, Philippines – Dalawa-katao ang namatay makaraang matabunan ng gumuhong tone-toneladang putik ang kanilang bahay sa liblib na bahagi ng Barangay Panampalay sa bayan ng Roxas, Zamboanga del Norte noong Lunes ng umaga. Nababalutan na ng putik  ang katawan ni Rudy Tagad nang marekober ng search and rescue team habang patuloy pa ang paghuhukay upang makuha ang mga labi ng 9-anyos na si Nelly Joy del Pilar. Sa ulat ni P/Inspector Dahlan Samuddin na isinumite sa Camp Crame, naganap ang insidente bandang alas-10:10 ng umaga kung saan biglang nakarinig ng malakas na dagundong ang mga residente at kasunod nito ay natabunan ang bahay ng mga biktima na kapwa nasa paanan ng bundok.