3 sundalo dedo sa BIFF rebs

MANILA, Philippines – Tatlong sundalo ng Phil. Army kabilang ang isang major ang napatay matapos harangin at pagbabarilin ng mga rebeldeng Bangsamoro Islamic Freedom Fighters (BIFF) sa kahabaan ng national highway sa bayan ng Datu Piang, Maguindanao kamakalawa ng hapon. “The victims on board a civilian pick-up truck were flagged down by armed lawless group belonging to the BIFF,” pahayag ni Col. Dickson Hermoso na idineklarang robbery/holdup ang insidente dahil hindi naman aniya nakasuot ng uniporme ang opisyal ng Philippine Army at dalawang enlisted personnel na kasama.  Tinangay ng tropa ng BIFF rebs ang mga kagamitan ng mga biktima tulad ng alahas, pera, cellphone at iba pa. Gayon pa man, tumanggi muna ang opisyal na tukuyin ang pagkaka­kilanlan ng mga sundalong napatay.