Kuya kinatay ng bunsong senglot
TUGUEGARAO CITY, Cagayan, Philippines – Napatay ang 42-anyos na magsasaka matapos itong saksakin ng kanyang nakababatang utol na senglot na nabulabog sa una sa Barangay Buyon, Cauayan City, Isabela kamakalawa ng gabi.
Kinilala ng pulisya ang napatay na si Adan Cariaga habang kritikal naman ang utol nitong si Vicente Cariaga, 27, kapwa magkapitbahay sa nasabing barangay.
?Sa police report na nakarating kay P/Supt. Mariano Rodriguez, hepe ng Cauayan City PNP, nabatid na dinamdam ni Vicente ang pagbulyaw ng kanyang kuya sa pagiging maingay nito dahil sa kalasingan.
Tinangkang pasukin ni Vicente ang bahay ng nakatatandang kapatid subalit sinalubong siya ng taga sa ulo.?
Gayon pa man, bago mawalan ng ulirat si Vicente ay nagawang pagsasaksakin ang sariling kuya hanggang malagutan ito ng hininga.?
Naisugod sa Cauayan District Hospital si Vicente bago inilipat sa Isabela Provincial Hospital kung saan ito nakikipagbuno kay kamatayan.
- Latest
