NORTH COTABATO , Philippines – Patay ang 2-anyos na nene matapos na nahulog sa malalim na kanal sa Purok Sampaguita, Barangay Avanceña sa Koronadal City, North Cotabato kahapon. Kinilala ang namatay na si Lheana Mae “Yumi” Antopina, panganay na anak ng mag-asawang Jonathan at Mary Joy Antopina. Napag-alamang lumabas ang ina ng biktima para isauli ang tinapay na binili sa tindahan kung saan hindi nito napansin na sumunod ang kanyang anak na si Mae. Gayon pa man, sa hindi inaasahang pagkakataon ay nahulog ang bata sa malalim na kanal kaya ito nalunod. Pinaniniwalaang nadulas ang bata kaya nahulog sa kanal habang tumatawid sa tulay.