NORTH COTABATO, Philippines - Nasa kritikal na kalagayan ang isang estudyante ng unibersidad makaraang martilyuhin sa ulo ng isang lalaki na sinasabing lango sa bawal na droga sa Barangay Oasis, bayan ng Kabacan, North Cotabato kamakalawa ng gabi. Kinilala ang biktima na si Richard Nimer, studyante ng University of Southern Mindanao habang nasakote naman sa Barangay Kudal ang suspek na si Jockson Usman, 24, ng Pagalungan, Maguindanao. Sa ulat ng pulisya, pinasok ng suspek ang estudyante habang natutulog sa kanilang bahay saka minartilyo. Isinugod ang biktima sa Kabacan Medical Specialist kung saan inilipat sa Kidapawan Medical Specialist dahil sa maselang kalagayan.