MANILA, Philippines - Napatay ang isang sundalo at isang amasona makaraang magsagupa ang tropa ng militar at mga rebeldeng New People’s Army sa liblib na bahagi ng Barangay Lower Olave, bayan ng Buenavista, Agusan del Norte, ayon sa ulat kahapon. Kinilala ni Captain Christian Uy, spokesman ng Army’s 4th Infantry Division ang napaslang na sundalo na nakilala lamang sa apelyidong Pfc. Cortejo ng Scout Ranger Company. Kinilala naman ang amasona na si Jessa “Ka Rina” Lumandong na inabandona ng mga nagsitakas nitong kasamahan. Bago sumiklab ang bakbakan ay nagpapatrolya ang militar nang masabat ang mga armadong rebelde na humantong sa bakbakan. Samantala, dalawa rin ang mga nasugatan sa hanay ng mga rebelde sa nasabing bakbakan.