MANILA, Philippines - Dahilan umano sa matinding pagtatampo, nag-suicide ang isang 31-anyos na mister matapos itong awayin ng kanyang misis sa River Side, Brgy. Abong-Abong sa lungsod ng Zamboanga nitong Biyernes.
Bandang alas-6:30 ng umaga nang maganap ang pagpapatiwakal sa pamamagitan ng pagbibigti ng biktimang kinilalang si Edmond Roy Invierno, 34-anyos.
Sa ulat ng Police Regional Office (PRO) 9, laking gulat ng mga kasambahay ng biktima nang madiskubreng nangingitim na ang katawan nito na nakabigti ng lubid sa leeg.
Agad na isinugod ang biktima sa Ciudad Medical Hospital sa Zamboanga City pero idineklara na itong dead- on-arrival.
Lumilitaw sa imbestigasyon na inaway ng kanyang misis ang biktima na ikinasama ng loob nito kung saan ay nagkulong ito sa kanilang silid na nadiskubreng nag-suicide.