Lover ni misis dedo kay mister

BULACAN , Philippines  - Napaaga ang kamatayan ng  47-anyos na  magsasaka na sinasabing may pagkapalikero matapos itong pagsasaksakin ng mister ng misis na kalaguyo ng una sa naganap na  karahasan sa Barangay Gaya-Gaya, San Jose Del Monte City, Bulacan kamakalawa ng gabi. Tatlong saksak ang tumapos sa buhay ni Ariel Repoya ng Sitio Tubigan habang pinaghahanap naman ng pulisya ang suspek na si Revien Rustas, 30, construction worker at nakatira sa nasabing barangay. Base sa imbestigasyon ni PO3 Edward Israel,  pauwi na ang biktimang mula sa pakikipag-inuman sa mga kaibigan nang harangin at saksakin ng suspek pagsapit sa madilim na bahagi ng nasabing lugar. Napag-alamang may kumalat na tsismis na ang biktima ay sinasabing lover ng misis ng suspek.