Magsasaka utas sa heat stroke

LEGAZPI CITY, Albay , Philippines   â€“ Pinaniniwalaang namatay sa heat stroke ang 58-anyos na ama habang ito ay nangu­nguha ng mga dahon ng nipa sa Sitio Sooc, Barangay Camagong sa bayan ng Cabusao, Camarines Sur kamakalawa ng hapon. Bandang alas-3 ng hapon nang matagpuang patay si Leon Dialogo ng Barangay Sta. Cruz sa nabanggit na bayan. Base sa police report, huling namataang buhay ang biktima na nagpaalam sa kanyang pamilya na mangunguha ng mga dahon ng nipa para gawing bubungan ng kanilang bahay. Dahil sa hindi nakauwi ng tanghali ang mister para mananghalian ay nag-alala ang asawa nito kaya hinanap kung saan natagpuang namang  nakahandusay na katabi pa ang mga dahon ng nipa sa plantasyon.