CAVITE , Philippines – Magkakasunod na nilamon ni kamataÂyan ang tatlong mag-uutol na tinedyer matapos malunod sa ilog ng Pasong Mitring sa Barangay Javalera, bayan ng General Trias, Cavite kamakalawa ng hapon.
Kinilala ng pulisya ang tatlo na sina Jeric Mercado, 13; Jaymark Mercado, 14; at si Jan Maynard Mercado, 16, pawang nakatira sa Block 38 Lot 7 Phase 4 sa nabanggit na barangay.
Sa ulat ni P03 Barry Baluyot, magkakasamang naglalakad sa gilid ng tulay ang tatlong mag-uutol nang madulas si Jaymark kung saan nagtuluy-tuloy na nahulog sa nasabing ilog.
Gayon pa man, tinangkang sagipin nina Jaric at Jan Maynard ang kanilang utol kaya lumundag ang mga ito subalit sa lakas ng agos ng tubig ay tuluyang nilamon ng ilog.
Kaagad naman humingi ng tulong sa mga residente ang nakatatandang utol na si Kenndy subalit nabigong masagip ang mga biktima.