MANILA, Philippines - Anim-katao ang nasugatan makaraang tamaan ng ligaw na bala sa naganap na bakbakan ng grupo ng Moro Islamic Liberation Front at kalaban nitong angkan sa Barangay Balanaken, bayan ng Datu Piang, Maguindanao noong Miyerkules ng umaga.
Kabilang sa nasugatan ay sina Pabil Kamid, 54; Pasla Abdul, 72; Ben Faisal, 11; ang 40-anyos na ama ng bata na hindi natukoy ang pagkakakilanlan na tinamaan ng 79mm grenade launcher.
Samantalang sugatan din ang batang babaeng si Jul Dipatuan at isa pang sibilyan na hindi natukoy ang pangalan matapos tamaan din ng ligaw na bala.
Ayon kay Col. Dickson Hermoso, spokesman ng Army’s 6th Infantry Division, dakong alas-9:30 ng umaga nang magsagupa ang magkalabang angkan ng grupo nina Uztadds Abdul Wahid Tundok ng 118th Bangsamoro Command ng Moro Islamic Liberation Front at Akas Casim alyas Commander Adzmie sa Sitio Kinudal.
Tumagal ng hanggang hapon ang bakbakan kung saan nagsilikas naman ang mga sibilyang naninirahan sa nasabing lugar habang nag-deploy na rin ng mga sundalo upang mapigilan ang pagsaÂsagupa muli ng magkalabang grupo.