QUEZON , Philippines - Winakasan ng isang preso ang sariÂling buhay matapos itong magbigti sa selda dahil sa walang dumalaw na miyembro ng pamilya at kamag-anak kamakalawa ng hapon sa bayan ng Unisan, Quezon. Dakong ala-1:25 ng hapon nang natagpuan ang biktimang si Celso Tampoc ng kanyang kakosa na nakabitin sa rehas na bakal ng kulungan. Ayon sa pulisya, bago isinagawa ng biktima ang pagpapatiwakal ay kinakitaan na ito ng pagkabagot at naging malulungkutin dahil sa walang dumadalaw na kaanak. Isinugod pa ito sa ospital subalit idineklarang patay na.