Misis dakma sa drug smuggling

NORTH COTABATO, Philippines - – Rehas na bakal ang binagsakan ng 38-anyos na misis ng arestuhin ng mga awtoridad sa tangkang pagpupuslit ng bawal na droga sa loob ng kulungan sa Barangay Amas, Kidapawan City, North Cotabato kahapon. Pormal na kinasuhan ang suspek na si Sumbra Akmad Uray, magsasaka at residente ng Barangay Kitulaan, bayan ng Carmen, North Cotabato. Batay sa report, magdadala sana ng mga itlog ang suspek sa kanyang kamag-anak na si Farida Tanggok na nakakulong nang rekisahin ng guwardiya ang basket na kanyang bitbit. Gayon pa man, nadiskubre ang mga plastic sachets ng shabu sa ilalim ng basket na natatakpan ng mga itlog. Ito na ang ikatlong babaeng bisita na naaresto sa pagpupuslit ng bawal na droga papasok ng kulungan.