Preso pumuga
CAVITE, Philippines – Nagawang makaÂtakas ng isang preso sa Imus City Jail matapos na tutukan ng baril ng live in partner nito na bumisita dito ang jail officer sa Bureau of Jail Management and Penology (BJMP) sa Brgy. Palico IV, Imus City, Cavite kamakalawa.
Kinilala ng pulisya ang nakatakas na preso na si Tyrone Bianco de la Cruz , nasa hustong gulang ng Medicion 1, Imus City, Cavite. Kasamang tumakas nito ang kaniyang live in partner na si Jeanne Loise Bitoy, 27 na siyang nanutok ng baril sa jail guard.
Sa imbestigasyon ni PO3 Alan Reyes may hawak ng kaso alas-2:20 ng maganap ang insidente, nakakulong ang nasabing preso sa kasong carnapping at dinalaw ito ng kanyang ka live in partner. Ilang saglit pa matapos makapasok sa piitan ay bigla itong naglabas ng cal. 38 revolver at tinutukan sina JO1 Jayson Abion at Senior Jail Officer 2 Rowena Gosico saka mabilis na tumakas.
Kasalukuyan namang iniimbestigahan ang dalawang duty jail officer kung bakit nakapasok ang mga dalaw ng hindi nakakapkapan.
- Latest
