MANILA, Philippines - Brutal na kamatayan ang sinapit ng mag-asawa matapos tadtarin ng maÂtalim na tari ng manok ng isang trabahador sa poultry farm sa Barangay Balidbid, Sta. Fe, Bantayan Island, Cebu kamakalawa.
Kinilala ang mga biktima na sina Tessie Embradora, 32; at Ronel Esgana, 20, kapwa nakatira sa nasabing barangay habang nasakote naman ang suspek na si Edmund Ilustrisimo, 32.
Ayon sa pulisya, si Tessie ay nagtamo ng 12 saksak sa katawan habang walo naman kay Ronel.
Sa inisyal na imbestigasyon, bandang alas-10 ng gabi nang maganap ang krimen matapos na pasukin ng suspek ang bahay ng mag-asawa sa nasabing lugar.
Nabatid na natutulog ang mag-asawa nang pasukin at tadtarin ng suspek gamit ang tari ng manok.
Natukoy naman ang suspek na inaresto ng mga barangay tanod at itinurnÂover sa pulisya matapos na mabatid na bago ang insidente ay nakaaway nito si Ilustrisimo na pinagbantaan pa nito ang buhay.