MANILA, Philippines - Isang sundalo na kabilang sa nagsasagawa ng clearing operation sa lugar na winasak ng karahasan sa siege ng Moro National Liberation Front (MNLF) ang natagpuang patay sa kaniyang silid ng kasamahan nito kamakalawa sa Brgy. Sta Catalina, Zamboanga City.
Sa report ng Zamboanga City Police, kinilala ang biktima na si Sergeant Sherwin Gubot, nakatalaga sa 3rd Platoon, Bravo Company ng Army’s 9th Infantry Battalion.
Bandang alas-2:10 ng madaling araw ng maÂtagpuan ang bangkay ng biktima sa kanilang pansamantalang itinayong patrol base malapit sa Tres Alas, Brgy. Sta Catalina ng lungsod.
Nagawa pang isugod ang biktima ng mga kapÂwa nito sundalong sina Corporal Jomar Lamud at Sgt. Ricardo Romero sa Camp Navarro Hospital pero idineklara na itong dead on arrival. Inaalam pa ang sanhi ng pagkamatay ng biktima na hinihinalang binangungot at inatake sa puso.